--Ads--
Adda iti full alert ti Department of Social Welfare and Development (DSWD) kalpasan a naibayog iti alert level 3 ti Mayon Volcano idiay Albay a mangipasimudaag ti nangato a pangta ti panagbettak.
Segun ken ni Assistant Secretary Irene Dumlao, nakibinnulig ti DSWD Field Office Bicol kadagiti lokal a gobierno ken maseknan nga ahensia.
Mon-monitoren met ti quick response teams ken social welfare officers ti agdama a sitwasion bayat a nakasagana dadduma pay a kameng ti DSWD tapno suportaran dagiti residente nga adda iti uneg ti innem a kilometro a danger zone.
Adda nakalatang a P132.59 milyon iti ahensia karaman ti 111,164 a karton ti family food packs, 16,580 a ready-to-eat meals, ken 15,746 a non-food items. Reynand Fontejon
-- ADVERTISEMENT --
