Nakasagana ti Department of Social Welfare and Development a mangipaay iti nasapa a tulong kadagiti agindeg a naapektaran iti panagputok ti Kanlaon volcano.
Segun ken ni Assistant Secretary Irene Dumlao ti DSWD Disaster Response Management Group, nakitaripnong ti City Action Team ti Negros Island Region iti Local Disaster Risk Reduction and Management Office ken City Social Welfare and Development Office tapno mapapigsa ti contingency planning ken bigbigen dagiti posible nga evacuation center.
Nairekord ti moderately eruption iti bulkan idi malem iti kalman a nagpaot iti dua a minutos, napasarunwan iti ash emission iti uneg ti 40 a minutos ken nangipuswak iti dapo nga umabot iti 2,000 a metro ti kangatona manipud iti crater.
Segun iti Negros Occidental Provincial Disaster Risk Reduction and Management Office, nakapadas iti ashfall ken sulfuric odor dagiti 40 a kabangibang a barangay, agraman ti Bago City, Moises Padilla, La Carlota City, Pontevedra, La Castellana, Hinigiran, ken Valladolid.
Awan met ti ashfall a nairekord iti Canlaon City idiay Negros Oriental ken San Carlos City idiay Negros Occidental.
