--Ads--
Nagpanawagan ti Department of Social Welfare and Development iti publiko nga agbalin a sensitibo ken ipakita ti respeto iti panangipost maniag kadagiti family food pack ken dadduma pay a tulong para kadagiti biktima ti didigra.
Dayta ket kalpasan ti pasamak idiay Davao Oriental a maysa a netizen ti nagangaw mainaig iti panagilako iti relief goods manipud iti DSWD.
Segun ken ni DSWD Spokesperson Irene Dumlao, ti panagiwaras iti saan a husto nga impormasion wenno panagangaw mainaig iti relief operation ket bastos para kadagiti biktima ti didigra ken makalapped iti naannayas a panangipaay iti tulong.
Inallukoy ti opisial ti publiko a kitaen nga umuna ti impormasion sakbay nga agishare ken aramaten a nasayaat ti social media.
-- ADVERTISEMENT --
