--Ads--
Nagpakdaar ti Department of Social Welfare and Development kontra ti maysa a Facebook page nga agpampammarang nga official source ti impormasion para iti travel clearance dagiti menor de edad.
Ti grupo nga adda nagan na a “DSWD Travel Clearance” ket agus-usar ti logo ti Minors Traveling Abroad (MTA) program ti ahensia kas cover photo a mabalin a mangted ti impression iti publiko a daytoy ket official platform.
Inlawlawag ni DSWD assistant secretary Irene Dumlao a saan nga otorisado ti ahensia ti impormasion nga ibagbaga ti nadakamat a facebook group.
Kinarit ti DSWD ti publiko a mangnamnama laeng kadagiti official communication channel ti ahensia para iti husto nga impormasion mainaig iti MTA program ken dadduma pay a serbisio.
-- ADVERTISEMENT --
