VIGAN CITY – Awan pay ti naibunong a tulong pinansyal idiay Caoayan ta awan pay ti napasangpetda a kwarta ngem, madama ti evaluation ti Department of Social Welfare and Development (DSWD) ta nakaipasan dagiti dadduma a kapitanen iti listaan dagiti posible a benepisyaryo ti social amelioration program iti gobyerno.
Agsipud iti dayta, idawdawat ni Caoayan Mayor Germie Singson- Goulart iti naan-anay a pannaka-awat iti publiko ta napinpintas nga adda iti bassit a maawat wennu maited kadakuada a tulong ngem iti awan a pulos.
Inlawlawag na pay a saan nga isuda nga opisyal ti ili iti nangpili kadagiti benepisyaryo ti social amelioration program iti gobyerno isu a saan nga isuda iti pabasolen dagiti tattao nu bilang awan iti maawat da a tulong manipud iti nasao a programa.
Immun-unan a nagiwaras ti LGU- Caoayan ti tulong pinansiyal kadagiti tricycle driver a naawanan iti pagsapulan ta nagsardeng iti pasada da gapu ti ECQ.
