VIGAN CITY – Idurduron ti Department of Social Welfare and Development ti adjustment iti benepisyo a maipapaay kadagiti benepisyaryo ti Pantawid Pamilyang Pilipino Program gapu iti agtultuloy a panagpangato ti inflation rates.
Segun ken ni DSWD Assistant Secretary for Disaster Response Management Group Irene Dumlao, maawatanda a masapulan nga i-adjust ti 4Ps cash aid.
Imbingay ni Dumlao nga agtigtignayen iti DSWD kadua ti National Economic and Development Authority ken Philippine Statistics Authority iti panangpadas a sapulen ti kasayaatan a wagas para ti automatic adjustment iti benepisyo.
Segun ken ni Dumlao, ngimmato agingga 3.8 percent iti inflatio rate idi Abril manipod iti 3.7 percent idi Marso.
Ti 4Ps ket national poverty reduction strategy ken human capital investment program iti gobierno ket iti agdama adda 4.4 million a household-beneficiaries iti intero a pagilian.
