Isagsaganan ti Department of Social Welfare and Development (DSWD) ti nayon a lima ribo a family food packs (FFP) idiay Naga City a maysa kadagiti kakaruan a naapektaran ti Severe Tropical Storm Kristine kas kinuna ni DSWD Sec. Rec Gatchalian.
Segun ken ni Gatchalian, yur-urayda laengen ti official list dagiti kakaruan a naapektaran a pamilia manipod local government unit idiay Naga City ken iti kabiitan ket mangruginton ti pannakaiwaras iti cash assistance.
Impaayen ti DSWD ti nasurok 30,000 FFPs idiay Albay ken iti agdama ket manarimaanen iti pannakaiproseso iti 50,000 FFP para idiay Camarines Sur.
Nupay kasta, siguradoen ni Gatchalian nga umanay ti relief supplies a maala manipod kaasideg a warehouse ken manipod ti Visayas Disaster Resource Center idiay Cebu.
