Impaayan ti Department of Social Welfare and Development ti tulong it pamilia ti agtawen-iti-sangapulo ket maysa a babai idiay Tinambac, Camarines Sur a nagsurat ken ni Presidente Ferdinand Marcos Jr ken nangibutaktak iti mapapati a pannakaabusona ken dagiti dadduma pay nga ubing iti sidong dagiti barangay official.
Segun iti DSWD, dagus a nagtignay ni Social Welfare Secretary Rex Gatchalian iti kiddaw a tulong ti ubing apaman nga imbilin ni Marcos.
Pinasingkedan ni DSWD Assistant Secretary Irene Dumlao, DSWD spokesperson a nangisayangkat ti DSWD Field Office 5- Bicol Region iti on-site assessment ken non-profit mission iti lugar a paggigyanan ti ubing ken ti pamiliana.
Innayonna a lima a pamilia nga aggigian iti mission ti nakaawat iti P10,000 a cash relief assistance, agraman ti pamilia ti nagsurat nga ubing.
Malaksid dayta, nangipaay pay ti DSWD iti psychosocial first aid kadagiti 3 nga ubbing iti mission.
