--Ads--
Impaganetget ti Drug war victims lawyer a ni Atty. Gilbert Andres a karaman kadagiti mapapati a sistematiko a napatay iti salinong ti kampania kontra droga ni dati a Presidente Rodrigo Duterte dagiti ubbing, ket saan a maibilang a ‘collateral damage’ ti pannakatayda.
Segun ken ni Andres, nasken a saan a panunoten ti Philippine National Police Operational Procedural Manual a nairuar idi 2021 iti pannakasulbar ti kaso kontra ken ni Duterte.
Kinontra ti victim lawyer ti kinuna ti kampo ni Duterte a saan a kunsintiren ti Duterte administration dagiti sukir a pulis.
Impaganetgetda a saan a kinasoan ti gobierno dagiti pulis a karaman iti saan a bumaba iti 3,967 a biktima iti anti-drug operation manipud idi July 1,2016 agingga November 27, 2017.
-- ADVERTISEMENT --
