VIGAN CITY – Boluntaryo a simmuko ti agtawen iti tallopulo ket siam, naasawan, construction worker, miembro ti Labuni Drug Group iti salinong ti COPLAN APET, High Value Individual Regional Priority Target nga agnaed idiay Barangay Pussuac, Sto. Domingo.
Babaen ti OPLAN ADORE ken Buhay ay Ingatan, Droga’y Ayawan wenno BIDA program dagiti kameng ti Sto. Domingo Police Station ket simmuko ti suspek iti Sto. Domingo Municipal Police Station idiay Barangay Poblacion, Sto. Domingo.
Simmuko babaen ti panangkuyogda Brgy. Captain Melchor Alcabedos, BADAC Chairman iti Brgy. Pussuac, Sto. Domingo, Ilocos Sur ken Reverend Eduardo Mercado, Life Coach.
Immunan a nainaig ti suspek iti illegal drug activities kas user iti shabu ken immannugot iti pannakaidalan ti reformation, ket inkarina ti suportar ken pannakikammayetna iti kampania kontra illegal drugs.
