--Ads--
VIGAN CITY – Kaso a panaglabsing iti Republic Act 9165 wenno Comprehensive Dangerous Drugs Act of 2002 ti sangwen ti maysa a lalaki a nakemmeg iti naiwayat a buy bust operation idiay Sitio Quimmabeng, Brgy. Bulala,Vigan City.
Nabigbig ti suspek a ni Leo Racoma, agtawen iti uppat a pulo ket dua, naasawan nga agindeg idiay Brgy. Paratong ken maysa a drug surrenderee.
Nakaala dagiti pannakabagi ti linteg kenkuana ti dua a sachet ti napagango a marijuana nga agdagsen ti 0.5 a gramo ken nga aggatad iti lima gasut a pisos, maysa a cellphone, motorsiklo ken buybust money a lima gasut a pisos.
Nupay kasta, addan iti kustodiya ti Vigan City Police Station ti suspek tapno dumalan iti husto a proseso.
-- ADVERTISEMENT --
