VIGAN CITY – Panaglabsing iti RA 9165 iti sanguen ti maysa a lalaki a Drug Personality a nakemmeg iti naiwayat nga Anti-Illegal Drugs Operation idiay Barangay Bia-o, Sta, Maria.
Nabigbig ti suspek a ni William Ancheta Jr, agtawen ti tallopulo ket pito, alyas Puto, naasawaan, mannalon, agnaed iti nasao a barangay a karaman iti high value individual wenno Top Regional Priority iti Illegal Drugs iti Region 1.
Naisayangkat iti search warrant nga imparuar ni Hon. Elizabeth Bringas, Presiding Judge iti RTC Branch 72, Narvacan a nagresultaan iti pannakakemmeg ti suspek ken nakaalaan iti maysa a nangisit a pouch a naglaon iti orange a lighter, sinnem a babassit a size iti heat sealed transparent plastic sachet a naglaon iti mapapati a Methamphetamine hydrochloride nga agdagsen iti dua a gramo a mapatta-patta nga aggatad iti 13,600 a pisos.
Ti suspek pakairamanan iti naala a kontrabando ket naipan iti kustodiya dagiti pannakabagi ti tapno dumalan iti husto a proseso.
