VIGAN CITY – Sumango iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a lalaki a nakemmeg iti naiwayat buy bust operation idiay San Nicolas, Candon.
Nabigbig ti suspek a ni Virgilio Bisnar, agtawen ti uppat a pulo ket pito, maysa a sub contractor a tubo iti Brgy. Concepcion, Del Pilar ngem agab-abang idiay San Agustin, Candon.
Naala kenkuna ti maysa a heat sealed sachet ti shabu nga agdagsen iti 0.02 a gramo nga aggatad iti limagasut a pisos, maysa a 29 meter detonating cord, limagasut a pisos a buy bust money, dua a transparent ink ammonium nitrate, dua a piraso ti blasting cap, maysa a karton ti ordinary detonator ken maysa a sako ti ammonium nitrate nga agdagsen iti sangapulo ket uppat a kilos.
Iggemen dagiti pannakabagi ti linteg ti suspek tapno dumalan iti usto a proseso.
