Dead on arrival ti maysa a drug personality a pinaltugan ti saan pay nabigbig a suspek idiay Barangay Don Lorenzo Querubin, Caoayan, Ilocos Sur ken nairaman pay ti maysa a bystander.
Ti natay a biktima ket agtawen iti tallopulo ket walo a taga-Barangay Patong, Magsingal idinto a ti bystander a nairaman ket agtawen iti duapulo a taga-Don Lorenzo Querubin.
Iti pannaki-uman ti Bombo Radyo Vigan ken ni Police Captain Lyka Bayasbas, Acting Chief of Police iti Caoayan Municipal Police Station, ti biktima nga agtawen iti tallopulo ket walo ket karaman iti iligal a droga ken gun for hire activities.
Maibasar iti CCTV footage, pumanawen a naggapu iti natayan ti biktima ket idi innalana ti motorsiklona a nakaparking, isu met ti panangpaltog ti suspek kenkuana iti namin-sangapulo ket innem a daras a puon ti nakatayanna.
Naala manipud iti nakapasamakan ti pammaltog ti fired cartridges ti caliber 45 ken 9mm a paltog.
Ti pannakainaig iti iligal a droga ti makitkita a motibo dagiti pannakabagi ti linteg no apay a pinatayda ti biktima.
Kabayatanna, ti met naub-ubing a biktima ket natalgeden ti kasasaadna.
