Dead on arrival iti ospital ti driver ti motorsiklo a naidungpar iti maysa nga SUV idiay Barangay Caburao, Santiago, Ilocos Sur idi kalman, January 30, 2026.
Ti nagmaneho ti motorsiklo ket lalaki nga agtawen-iti-uppat a pulo ket uppat nga agnaed idiay Santiago idinto a ti nagmaneho ti Toyota Fortuner ket lalaki nga agtawen-iti-innem a pulo ket lima a taga-Bangued, Abra.
Iti pannaki-uman ti Bombo Radyo Vigan ken ni PCpt. Justine Jeff Aguigam iti Santiago Municipal Police Station, agpaammianan a direksyon ti SUV idin ta kellaat a nagsikko a gappuanan iti pannakaidungpar iti motorsiklo a napaspas iti panagpatarayna.
Segun ken ni Aguigam, double yellow lane iti paset a nagsikkoan iti SUV isu a nalabit ket saan a ninamnama ti driver ti motorsiklo a mapasamak iti aksidente.
Iti baet a kompleto ti gear iti nakamotorsiklo ket saan a nakalasat gapu iti napigsa nga impact iti pannakaidungparna.
Naipan pay laeng ti driver ti motorsiklo iti Candon General Hospital ngem naideklarar a dead on arrival gapu iti sinagabana a dunor nangruna iti ulo.
Palagip ni Aguigam kadagiti agmanmaneho nga agan-annad a kanayon tapno maliklikan iti aksidente wenno pakaisagmakan.
