VIGAN CITY– Kaso a reckless imprudence resulting in multiple homicide and damage to property ken physical injury ti sanguen ti bus driver a nakadinnungpar ti jeep idiaiy Agoo, La Union a nakatayan ti 20 a tattao.
Iti pannakiuman ti Bombo Radyo Vigan kenni PSr./Insp. Eugene Balagot, deputy chief of police ti Agoo Police Station, isagsagana dan ti kaso kontra ti driver ti Partas bus a ni Rodel Sadac iti Cabuago, Ilocos Sur.
Kabayatanna, inpakammo ni Balagot a saan pay a makumpirma a nabartek ti driver ti jeep a ni Roland Perez gapu ta natayen isu nga urayen da ti resulta ti otopsiya.
Agtulutuloy met a maob-obserbaran idiay ospital dagiti nadonor a biktima ngem saan a nakaro iti sinagrap da isu a manamnama a saanen a manayunan ti bilang dagiti natay.
Naammuan ng agturong kuma idiay Pagudpod, Ilocos Norte ti bus manipud Manila idi dinungpar ti private jeep manipud Bauang, La Union nga agturong kuma iti Manaoag, Pangasinan tapno makimisa.
Maibasar iti inisyal nga imbestigasyon, inagaw ti jeep ti linya ti bus a rason iti nagdinnungparan da.
