Nagbalaag ni dati a Senate President Franklin Drilon iti gandat a panangidulin ti ebidensia iti umadani nga trial ni Vice President Sara Duterte a mabalin a mangitunda ti riri ken political instability iti pagilian.
Pinasingkedan nk Drilon a greatest risk a sangsangoen ti pagilian to posible a panagpalya ti impeachment process kontra ken ni Duterte, kas ti napasamak idi iti impeachment trial ni dati a Presidente Joseph Estrada.
Linagip ti dati a senador to trial ni Estrada idi 2001 no sadino dagiti senator-judges ket nagbotos ti 11-10 kontra iti panaglukat ti maipagarup “second envelope” a mapapati a naglaon ti ad-adu nga ebidensia mainaig iti P3.3 bilyon secret bank account ni Estrada.9
Ti umuna nga envelope ket saan nga inlemmeng dagiti senator-judges ket naglaon daytoy dagiti dokumento mainaig iti secret account iti maysa a bangko iti salinong ti alyas ni Estrada a ni Jose Velarde.
Ti maikadua nga envelope ket saan a nalukatan gapu ti pannaka-abak iti botos nga 11-10.
