Maysa ti nadunor iti napasamak nga aksidente iti national highway ti Barangay Poblacion Norte, Sta. Maria, Ilocos Sur a nakairamanan ti traysikel ken bus.
Nabigbig ti nagmaneho iti traysikel a ni Marben Delos Santos Valera, agtawen iti tallopulo ket siam, taga-Barangay Laslasong Norte, Sta. Maria.
Ti met nagmaneho iti Partas bus ket ni Arvin Suello Anora, agtawen iti limapulo ket maysa, taga-Barangay Puspus, Bantay.
Maibasar iti CCTV footage, agpapa-abagatan ti bus ken pinadasna nga overtakean ti sarsarunwenna a lugan ngem saan a nakapreno ti makasabetna a traysikel iti bangir a linya.
Gapu dayta, nagsubli ti bus iti linyana ngem nadungparna ti traysikel iti akin-kannigid a pasetna.
Naipaagas iti ospital ti drayber ti traysikel para iti naan-anay a pannakatamingna idinto a saan a naan-ano ti drayber ti bus.
