--Ads--
Natay ti drayber ti motorsiklo gapu iti pannakaidungparna iti kayo ti Madre de Cacao iti provincial road idiay Brgy. Padu Chico, Sto. Domingo, Ilocos Sur.
Nabigbig ti drayber ti motorsiklo a ni James Palalay De Asis, agtawen iti uppat a pulo, naasawaan, construction worker ken residente iti Brgy. Namalpalan, Magsingal.
Agturturong iti amianan ti drayber iti provincial road ti Barangay Padu Chico idin ta naawanan iti kontrol ti manibelana ket naidungpar iti kayo ti Madre de Cacao iti daya a paset ti kalsada.
Gapu dayta ket nadunor ti ulo ken nadumaduma a paset ti bagi ti drayber a puon ti nakatayanna.
-- ADVERTISEMENT --
Nakainom ti drayber idi mapasamak ti aksidente ken awan suotna a helmet.
