--Ads--
Agpada a nadunor ti drayber ti motorsiklo ken ti nadungparna a senior citizen iti national highway ti Barangay Curtin, Sinait, Ilocos Sur.
Ti Yamaha Sniper ket minaneho ti lalaki nga agtawen iti duapulo ket dua, glass/aluminum installer, taga-Barangay Calay-ab, Sto. Domingo.
Ti met pedestrian ket babai nga agtawen iti pitopulo ket dua, taga-Barangay Curtin, Sinait.
Agbalballasiw ti senior citizen idi nadungpar daytoy ti napaspas ti tarayna a motorsiklo.
-- ADVERTISEMENT --
Nagsagaba iti dunor iti ulo ken natukkol ti kannawan a luppo ti senior citizen idinto a ti drayber ti motorsiklo ket nadunor dagiti tumengna.
Naipaagasda iti ospital para iti naan-anay a pannakatamingda.
