Nadunor ti maysa a drayber ti motorsiklo ken ti nadungparna a pedestrian idiay Barangay Pantay Tamurong, Caoayan, Ilocos Sur.
Ti drayber ti motorsiklo ket lalaki nga agtawen iti duapulo ket dua idinto a ti pedestrian ket lalaki nga agtawen iti limapulo ket lima, retirado a pulis, agpada nga agnaed iti nasao a lugar.
Maibasar iti imbestigasion, agpapa-abagatan ti motorsiklo idin ta nadungparna ti lalaki a bimmallasiw iti kalsada.
Gapu dayta, nadunor ti ulo ti drayber ken nagasgasan dagiti dua a saka ken takyagna idinto a ti pedestrian ket nadunor ti sakana.
Agpada a naipaagas iti ospital dagiti karaman iti aksidente para iti naan-anay a pannakatamingda.
Natakuatan a ti drayber ket awan ti suotna a helmet, awan ti driver’s license-na, ken nagmaneho a dadael ti headlight ken taillight-na kasta payen a nakainom iti mapasamak ti aksidente.
