--Ads--
Maysa a drayber ti nadunor iti napasamak nga aksidente iti national highway ti Barangay Gongogong, San Ildefonso, Ilocos Sur.
Karaman iti aksidente ti pampasahero a dyip a minaneho ti lalaki nga agtawen iti walopulo, taga-Barangay Resurrection, San Juan.
Ti met e-bike ket minaneho ti lalaki nga agtawen iti innem a pulo ket pito, construction worker, taga-Barangay Bahet, San Ildefonso.
Agpapa-amianan dagiti 2 a lugan ket idi madanonda ti nakapasamakan ti aksidente, bigla a simrek ti e-bike iti tengnga ti national highway a naggapu iti igid ti kalsada ket nasagid daytoy ti dyip. Nadunor ti ulo ti drayber ti e-bike a naipaagas iti ospital idinto a saan a naan-ano ti drayber ti dyip.
-- ADVERTISEMENT --
