VIGAN CITY – Dumawdawat iti pammakawan ti driver ti mitsubishi xpander a naka dungpar iti motorsiklo a nagluganan dagiti aglive in partner a da Romy Reintegrado kenni Marilyn Natividad ken iti innem a bulan a maladaga a sikog na.
Iti pannaki uman ti Bombo Radyo Vigan ken ni Mervin Bilas Tagaca, agtawen uppat a pulo ken agnaed ti Brgy. Tabba, Pamplona, Cagayan saan na a nadlaw nga adda iti motor nga agsiko iso a nadungparna iti akin likodan a paset iti nagluganan dagiti biktima.
Makiareglo ti driver iti pamilya dagiti biktima ngem saanna a kayat a maited ti tallo gasut a ribo a pisos no ketdi sangagasut lima pulo a ribo a pisos ken tumulong isuna iti panagpalaing ni Natividad.
Pimmusay ni Reintegrado ken iti innem a bulan a maladaga a sikog ti asawa na a saanen a naisalbar dagiti doktor ken kritikal iti live in partner na a matamtaming iti ICU ti Ilocos Sur Provincial Hospital Gabriela Silang.
