Dead on arrival ti maysa a drayber iti panagdinnungpar ti motorsiklo ken four wheels iti national highway idiay Barangay Sabuanan, Sta. Lucia, Ilocos Sur.
Nabigbig ti natay a drayber ti Euro 150 a motorsiklo a ni Mario Galdonez Gadier, agtawen iti limapulo ket innem, taga-Barangay Alincaoeg, Sta. Lucia.
Ti met nagmaneho iti Honda CRV ket ni Bartolome Astero Garayan Jr., agtawen iti uppat a pulo ket tallo, taga-Barangay San Pedro, Candon City.
Agpapa-amianan ti four wheels ken idi magtengna ti nakapasamakan ti aksidente, iti sangwanan ti Sabuanan National High, immagaw ti linya ti napaspas ti patarayna a motorsiklo ket nagdinnungparda.
Nadunor ti ulo ken nagasgasan ti nadumaduma a paset ti bagi ti drayber, ket naipaagas iti ospital ngem saanen a nakalasat.
Saan met a naan -ano ti drayber ti four wheels.
