--Ads--
Maysa ti nadangran iti napasamak nga aksidente iti national road ti Barangay Rosario, Cervantes, Ilocos Sur.
Karaman iti aksidente ti maysa a motorsiklo a minaneho ti lalaki nga agtawen iti duapulo ket dua, taga-Barangay Dinwede East, Cervantes.
Ti met mini dump truck ket minaneho ti lalaki nga agtawen iti tallopulo ket tallo, taga-Sadangga, Mountain Province.
Agpapalaud ti mini dump truck kangrunaan iti sumalog a paset ti kalsada a nagkarga iti graba, idin ta nag-overtake ti motorsiklo ket nasagidna ti likudan a paset ti trak kangrunaan iti kannigid.
-- ADVERTISEMENT --
Nadunor ti nadumaduma a paset ti bagi ti nagmotorsiklo a naipaagas iti ospital para iti pannakatamingna idinto a ti drayber ti trak ket saan a naan-ano.
