--Ads--
Nadunor ti maysa a drayber gapu iti napasamak a panagdinnungpar ti motorsiklo ken multi-purporse vehicle iti national highway ti Barangay San Julian, Magsingal, Ilocos Sur.
Ti Yamaha NMAX 155 ket minaneho ti lalaki nga agtawen iti duapulo ket walo, taga-Pasuquin, Ilocos Norte.
Ti met Toyota Avanza ket minaneho ti lalaki nga agtawen iti duapulo ket siam, taga-Antipolo, Rizal.
Agpapa-amianan ti motorsiklo idinto nga agpapa-abagatan met ti MPV.
-- ADVERTISEMENT --
Idi madanonda ti nakapasamakan ti aksidente, nag-overtake ti MPV iti maysa pay a lugan ket naagawna ti linya ti motorsiklo isu a nagdinnungparda.
Naipaagas iti ospital ti drayber ti motorsiklo para iti naan-anay a pannakatamingna idinto a saan met a naan-ano ti drayber ti MPV.
