Ibilang ni Dr. Mario Obrero a dakkel a karit ti panagbalinna ita a maikalima a presidente ti Ilocos Sur Polytechnic State College kalpasan nga isu ti nabotosan ken ti atiddug a proseso a dimmalananna.
Iti pannaki-uman ti Bombo Radyo Vigan ken ni Dr. Obrero, maysa kadagiti sirmata nga insingasingna ti panagbalin a University of Ilocos Philippines ti ISPSC ken global university no madanon ti tawen 2030 tapno makapartuat kadagiti globally competitive nga agad-adal.
No agbalin nga unibersidad ti nasao a pagadalan ket addanto pito a research center a maipatakder pakairamanan ti tobacco and agricultural center, fisheries and aquaculture, IP research center ken dadduma pay.
Maipalagip a pitoda a nagapply para iti posisyon, uppat kadakuada ti na-qualify ken talloda a nabati iti final round.
