Pinaglibakan ni Public Works Secretary Manuel Bonoan ti pannakainaigna iti mapapati a korapsyon iti Department of Public Works and Highways (DPWH) pakairamanan ti flood control projects.
Nasaludsud ni Boanoan nu rumbeng a madusa kadagiti alegasyon iti korapsyon iti salinong ti command responsibility ngem inlawlawagna a dagiti proyekto ket adda iti salinong ti bileg dagiti district ken regional offices ngem impaganetgetna nga awan ti pakainaiganna iti aniaman nga iregularidad.
Segun ken ni Boanoan, saan isuna nga agpampammarang wenno mangtol-tolerate iti nasao nga aramid ta nagipian iti kaso kadagiti karamanb iti ghost projects.
Idi nasaludsod nu rumbeng a namonitor iti national office dagiti proyekto sakbay a rimmuar ti isyu iti korapsyon ket insungbatna a responsibilidad dayta dagiti district office.
Kinunana pay nga indalanna ti floating status dagiti kasaraman nga opisyal ken nangiruar ti preventive suspension.
