Nauram iti opisina ti Department of Public Works and Highways – National Capital Region (DPWH-NCR) idiay Barangay Pinyahan, Quezon City.
Segun ti National Bureau of Fire Protection (BFP), nangrugi ti uram itattay alas dose singkwenta iti aldaw iti paset ti Bureau of Research and Standards a masarakan iti National Irrigation Administration Road, iti asideg ti EDSA.
Napaspas a nagkayamkam iti uram isu nga insigida a Naibayog iti umuna nga alarma, simmaruno iti maikadua nga alarma iti uneg ti maysa a minuto, ken umabot iti maikatlo nga alarma iti alas dose singkwentay sais iti malem.
Impatulod ti BFP iti sangapulo ket dua a fire trucks tapno depdepen iti uram.
Awan met iti naireport a nadunor wenno natay ngem agtultuloy iti imbestigasyon iti nagtaudan iti nasao nga uram.
Impalagip iti lokal a gobierno kadagiti agindeg ken empleado iti lugar nga agannad ken sumurot iti pakaammo dagiti otoridad bayat iti maisaysayangkat a clearing operation.
Agtultuloy ti monitoring iti insidente ken manamnama a mangiruar ti nayon nga impormasyon iti BFP iti sumarsaruno nga oras.
