Kiniddaw ti Department of Public Works and Highways iti Senado nga isubli dagiti gatad a naikissay iti proposed budget ti ahensia iti 2026 gapu iti panagkissay maibasar iti Construction Materials Price Data.
Inaramid ti DPWH ti apela sakbay ti deliberasion ti Bicameral Conference Committee iti proposed spending plan para iti sumaruno a tawen.
Sakbay ti bicam, kinissayan ti Senado ti proposed 2026 budget ti DPWH iti P570.48 billion manipud iti P624.48 billion iti bersion ti House of Representatives.
Segun iti DPWH, ti panangaprubar ti CMPD ket makatulong iti ahensia a maliklikan dagiti parikut iti panangipatungpal ti proyekto ken dagiti legal issues ken administratibo.
Nangiruar ti DPWH iti Department Order a mangituding kadagiti pagannurotan kadagiti opisinada agraman ti Regional ken District Engineering Offices tapno masurot ti updated CMPD.
