Binabalaw ni Department of Education (DepEd) Secretary Sonny Angara ti dati a liderato ti Department of Public Works and Highways (DPWH) gapu iti kinabuntog ti konstruksyon dagiti classroom iti pagilian.
Dayta ket kalpasan a rimmuar iti Senado a duapulo ket dua laeng iti nasurok 1,000 target a pagadalan ti naileppas ita a tawen.
Segun ken ni Sen. Angara, imbes nga unaen dagiti pagadalan ket arigna naay-ayo ti ahensia kadagiti proyekto iti flood control.
Kinunana a dakkel a panangbaybay-a dayta ta umabot payen iti 150,000 iti kurang a classroom iti intero a pagilian.
Pinasingkedan ni Angara a panawenen tapno baliwan ti sistema ken iraman dagiti lokal a gobierno iti panangipasdek kadagiti classroom.
Manipud pay 2018, ti DPWH laeng iti adda bilegna nga agpatakder kadagiti nasao a pasdek para iti DepEd.
Patien pay ti opisial nga iti salinong ti panangidaulo ni DPWH Secretary Vince Dizon ket dumaras iti panangipasdek dagiti classroom kagiddan ti kari a 40,000 classrooms sakbay a malpas ti termino ni President Ferdinand R. Marcos, Jr.
