Mangiwayat iti agsasaruno nga inspeksion idiay Visayas ken Mindanao ni Department of Public Works and Highways kas paset iti agtultuloy nga imbestigasion kadagiti pimmalya nga infrastructure projects iti pagilian.
Segun ken ni Dizon, karaman kadagiti lugar a bisitaenna ti Cebu ken Davao, sa mapan iti Maharlika Highway, manipud Bicol a mapan Visayas tapno personal a kitaen ti kasasaad dagiti kalsada ken rangtay.
Innayon ni Dizon nga adu latta pay dagiti nadadael a kalsada ken saan a nalpas a rangtay nangruna kadagiti dadduma a paset ti Mindanao, a masapul a masimpa a dagus tapno saan a maapektaran dagiti umili.
Inlawlawag ti opisial a saan laeng a flood control project ti sakup ti agdama nga imbestigasion ti DPWH, kasaruno dagiti isyu nga adda pakainaiganna iti grid coordinates dagiti sumagmamano a proyekto.
