Napalaus iti isaysayangkat a road maintenance ti Department of Public Works and Highways (DPWH) sakbay iti panagrambak iti Semana Santa inton sumaruno a lawas.
Segun ti DPWH, mapadpadarasen ti pannakasimpa dagiti kalsada, panangdalus kadagiti pagnaan, panagpinta iti nagkuoas a road markings ken panangipan manen kadagiti baro a road signs.
Kabayatanna, kinuna ni DPWH Secretary Manuel Bonoan nga i-activate da iti Lakbay Alalay tapno masigurado iti kinatalged dagiti motorista.
Ti DPWH Lakbay Alalay Teams ket bukbuklen ti uniformed field ken crew personnel a maideploy kadagiti national road manipod April 16 agingga April 19, 2025.
Imbilin pay ti secretary a siguradoen a nasayaat ti schedule dagiti maisaysayangkat a road project a saan a makompromiso iti kinatalged iti amin.
