--Ads--
Impasigurado ti Department of Science and Technology a dagiti napasaran a gingined idi kallabes iti nadumaduma a paset ti pagilian ket normal laeng.
Inlawlawag ni DOST Secretary Renato Solidum Jr a daytoy ket gapu iti kaadda dagiti aktibo a fault ken trench.
Nairekord pay ti Phivolcs ti mapatta-patta a 30 a gingined kada aldaw isu a saan a mababalaw no adda napipigsa a panagdayyeg.
Kinuna ni Solidum nga awan ti pakainaigan dagiti gingined idiay Cebu, Davao, Zambales, ken La Union ta naggapu datoy iti agsinnabali a fault system.
-- ADVERTISEMENT --
Impaganetgetna pay ti kinapateg iti panangsurot iti National Building Code tapno masigurado a saan a marpuog dagiti pasdek uray napigsa ti gingined.
