Pinasingkedan ni Dondon Patidongan nga state witness iti missing sabungero case a mapapati a tultulongan dagiti gangannaet ti kangrunaan a suspek iti kaso a ni Charlie Atong Ang.
Patien ni Patidongan a no saan nga aglemlemmeng iti dummy property ni Ang ket nakaruaren iti Pilipinas.
Segun ken ni Patidongan, adda dagiti network ni Ang tapno masigurado a saan a nadaras a masapulan dagiti otoridad.
Kinunana a saan nga ordinary a tao ni Ang ken tultulongan dagiti foreign national tapno makalibas a rumuar iti pagilian.
Patienna pay nga uray iti abogado ni Ang ket saanna nga ammo iti ayanna daytoy ta agar-aramat pay iti confidential number ngem patienna nga ammo dagiti putot ni Ang no sadino ita iti ayanna.
Kabayatanna, saanen a nagsarita ti abogado ni Ang maipanggep kadagiti pammabasol ni Patidongan.
