Inlawlawag ti Department of Labor and Employment (DOLE) nga awan ti nationwide a panagpangato tii sueldo para kadagiti minimum wage earner inton Labor Day, May 1.
Segun ken ni DOLE Undersecretary Benedicto Ernesto Bitonio Jr., agtalinaed a nakadepende ti desisyon ti tunggal Regional Tripatriate Wages and Productivity Boards iti aniaman nga adjustment iti sueldo dagiti mangmangged.
Innayonna nga agingga awan iti linteg nga ipasa iti Kongreso para iti mandatory nationwide wage hike, dagiti regional board ti adda otoridad a mangituding iti nayon a sueldo.
Maipalagip nga iti umuna a paset iti Marso ket impanawagan ti Trade Union Congress of the Philippines para iti maysa a P200 wage hike.
Dayta ket gapu iti manamnama nga epekto iti ekonomia iti tensyon idiay Middle East.
