Nangiruar ti Department of Labor and Employment ti baro a guidelines tapno maprotektaran dagiti mangmangged kontra iti health risks gapu ti nakapsot nga air quality iti workplace.
Iti Labor Advisory No. 15 series of 2016, nabilin dagiti employer nga agisayangkat ti Hazard Identification, Risk Assessment and Control (HIRAC) tapno maammuan ti exposure dagiti mangmangged iti air pollution.
Nakalista pay iti opisial a DOLE issuances ti advisory kas “Guidelines on the Protection of Workers from Poor Ambient Air Quality.”
Masapul nga aramaten dagiti employer ti Air Quality Index ken action points ti Department of Environment and Natural Resources ken Department of Health, kasta pay a regular nga i-update ti risk assessment da no agbaliw ti air quality wenno kondision iti workplace.
