Napatibker ti kari a leppasen ti forced labor ken child labor kalpasan a dimmar-ay ti Department of Labor and Employment (DOLE) kadua dagiti kangrunaan nga stakeholders ken dadduma nga ahensia ti gobierno iti National Strategic Planning Workshop on Developing the Philippines’ Roadmap Towards Becoming an Alliance 8.7 Pathfinder Country.
Iti mensahe ni Labor Secretary Francis N. Tolentino nga indanon ni Assistant Secretary Atty. Loreto B. Acharon, napasingkedan a dagiti aktibidad ket mangipakita iti napagtipon a responsibilidad ken kolektibo a kari , a sumopsuporta iti isingsingasing ni Presidente Ferdinand Marcos Jr. a de-kalidad ken disente a trabaho.
Nagyaman ni Tolentino iti International Labor Organization (ILO) iti panangitandudo ti hustisia ken nabigbig iti intero a lubong ti karbengan iti amin a mangmangged.
Pinasingkedan met ni Bureau of Workers with Special Concerns (BWSC) Director Leilani Reynoso a ti estratehiko nga importansia ti panagbalin nga Alliance 8.7 pathfinder country ti Pilipinas ket mangsupsuporta iti napaut a gagem iti national a panagdur-as.
