Impakaammo ni Department of Labor and Employment (DOLE) Secretary Francis Tolentino ti P85 a nayon nga inaldaw a minimum wage dagiti mangmangged iti National Capital Region (NCR).
Ti nasao a panagpangato ket maibilang a kadakkelan a wage increase iti pakasaritaan iti rehiyon.
Segun ti DOLE, mapatta-patta a 1.1 million a mangmangged idiay Metro Manila ti nairanud iti wage hike a maipatpatungpal iti dua nga stage iti salinong ti Wage Order No. NCR-27.
Manipod June 19, 2026, naipatungpal ti P60 a nayon a sueldo idinto a ti nabatbati a P25 ket maipatungpal inton January 20, 2027.
Apaman a maipatungpal ket ngumato ti minimum wage iti non-agriculture sector manipod iti P695 agingga P780 kada aldaw.
Para met kadagiti mangmangged iti agrikultura, retail ken service establishments ket adda sangapulo ket lima wenno basbassit nga empleado, ken manufacturing establishments nga awan pay sangapulo nga empleado, ngumato iti minimum wage manipod P658 agingga P743 kada aldaw.
