VIGAN CITY – Double pay ti maawat dagiti empleado inton June 17, Eid’l Adha iti inda panagtrabaho, segun iti Department of Labor and Employment.
Indeklarar ni Presidente Ferdinand Marcos Jr babaen iti Proclamation 579 ti June 17 kas regular holiday para iti Eidl Adha.
Iti kaudian a labor advisory, dagiti agtrabaho iti aldaw ti nasao a holiday ket makaawat iti 200 percent iti employee’s wage para iti umuna a walo nga oras.
Dagiti met saan a nagtrabaho nga empleado, bayadan latta ida dagiti employer iti 100 percent iti employee’s wage iti dayta nga aldaw.
Para kadagiti agovertime wenno nalablabes ngem iti walo nga oras ti panagtrabahoda, makaawat iti nayun a tallopulo a porsiento iti hourly rate na.
No met nagtrabaho ti empleado ken nagovertime, mangted ti employer iti nayun a tallopulo a porsiento iti hourly rate na iti dayta nga aldaw.
Ti Eid’l Adha ti maysa kadagiti dua a kapatgan a holidays iti Muslim calendar, maysa ti Eid’l Fitr a panangmarka iti panagleppas iti holy fasting month of Ramadan.
Tunggal tiempo met ti Eid’l Adha, agparti dagiti Muslim iti karnero, kalding, baka ken kamelyo kas pananglagip iti panangisakripisyo ni Prophet Ibrahim iti putotna a ni Allah.
