VIGAN CITY – Inkalintegan ni Department of Justice Secretary Vitaliano Aguirre II iti inbaga ni presidente Rodrigo Duterte nga adda nakainaigan iti kuarta iti desisyon ti Commission on Appointments inaig iti pannakadutok ni Sec. Gina Lopez kas secretary ti Department of Environment and Natural Resources (DENR).
Segun kenni Aguirre, nalawa iti intelligence source iti presidente isu nga adda iti natibker a pangibasbasaran na kadagiti statements na.
Innayonna nga adda a talaga dagiti gundaway a maar-aramat ti kuarta wenno panagpasuksok.
Maipalagip nga iti panagsarita ni Duterte iti opening ceremony ti Philippine Orthopaedic Association 27th Mid-year Convention idiay Davao City ket inbaga na nga awan iti maarimadanna iti desisyon ti CA gapu ta magmagna a talaga ti kuarta kadagiti kastoy a proseso tapno maimpluwensyaan ti desisyon dagiti miembro ti komite.
