Siguradoen ti Department of Justice (DOJ) a saanda a palubosan a patawan ti pannusa a death penalty ni Pastor Apollo Quiboloy no kas bilang mapaneknekan a guilty idiay United States.
Kasaruno dayta iti panagkumpirmar ti DOJ a naawatdan ti pormal a request manipod United States tapno i-extradite ni Quiboloy gapu iti sex trafficking, fraud ken money laundering.
Segun ken ni Chief State Counsel Dennis Chan, siguradoenda pay a saan a mapatawan ti death penalty ti religious leader sakbay a palubosan no kas bilang ti extradition.
Ad-adalen ti DOJ ti request sakbay nga ipila iti korte ta pagdesisyonan no mapalubosan wenno saan nga ipatulod ni Quiboloy idiay Amerika.
Natalek met ti ahensia a saan nga umabot iti mano a tawen ti proseso para iti extradition ken no kas bilang aprubaran ti korte iti kiddaw ket mabalin latta nga yapela.
