--Ads--
Umaboten iti P841 milyon a cash ti naala manipud iti sumagmamano nga indibidwal a mainaig iti flood control scandal ken naiyakar iti national treasury, segun iti Department of Justice.
Iti nadakamat a gatad, P500 milyon ti narekobre manipud ken ni dati a Department of Public Works and Highways (DPWH) Undersecretary Roberto Bernardo.
Kabayatanna, nagisubli met ni dati a DPWH Bulacan District Engineer Henry Alcantara ti P180 milyon ni dati a DPWH Regional Director Gerard Opulencia ket P140 milyon, ken ti contractor a ni Sally Santos ket nagisubli ti P20 milyon.
Dagiti nadakamat nga indibidwal ket adda iti sidong ti Witness Protection Program ti DOJ.
-- ADVERTISEMENT --
Agtultuloy met a makibin-binulig ti ahensia iti Office of the Ombudsman mainaig iti isyu.
