--Ads--
Nakasagana ti Department of Justice a mangimbestigar kadagiti pammabasul dagiti 18 a nagpayam-ammo a dati a suldado mainaig iti panangipatulodda iti minaleta a kuarta para kadagiti nangato nga opisial ti gobierno.
Segun ken ni DOJ Spokesperson Atty. Polo Martinez, nakasaganda a mangisayangkat iti preliminary investigation nangruna ta addan memorandum of agreement ti ahensia ken ti Office of the Ombudsman.
Babaen dayta ket mabalin ida a bilinen ti Ombudsman a mangisayangkat iti imbestigasion ngem iti agdama ket yur-uray pay ti Justice Department ti agbalin a desision ti Ombudsman no kiddawenda ti tulongda.
Mabalin pay met a mangisayangkat iti agsina nga imbestigasion ti National Bureau of Investigation a pangipilaan ti DOJ iti reklamo.
-- ADVERTISEMENT --
