Mamati ti Department of Justice nga adda pay laeng iti Pilipinas ti negosiante a ni Charlie Atong Ang a maitudtudo nga adda iti likudan dagiti mapukpukaw a mannadi.
Segun ken ni DOJ Sec. Fredderick A. Vida, mamati isuna kadagiti impormasion wenno ebidensia iti naipila a kaso kalaksidan ti mosion ti bangir a kampo.
Idi napalabas, nangipila ti ‘motion to quash’ ti kampo ni Ang tapno maawan ti bileg ti arrest warrant nga inruar ti korte.
Immunan a nagiruar ti arrest warrant ti Sta. Cruz, Laguna RTC kontra ken ni Ang ken Lipa City Batangas mainaig iti kaso a kidnapping with homicide ken kidnapping and serious illegal detention.
Kabayatanna, ti maysa pay a warrant arrest kontra ti negosiante manipud iti Regional Trial Court ti San Pablo, Laguna ket saan pay nga inruar ti korte.
