--Ads--
Impakaammo ti Department of Justice nga awan pay ti naawat da nga impormasion mainaig ti damag a nakemmeg ni Senador Ronald Bato Dela Rosa.
Segun ken ni DOJ spokesperson Atty. Polo Martinez, awan pay ti kumpirmasion mainaig iti nadakamat nga isyu.
Kabayatanna, pinasingkedan ni Interior Secretary Jonvic Remulla nga awan pay met ti naawat nga impormasion ti Philippine National Police iti pannakatiliw ti nadakamat a senador.
Maipalagip a sumangsango ni Dela Rosa iti warrant of arrest nga inruar ti International Criminal Court mainaig iti maipagarup a crimes against humanity nga adda pakainaiganna iti war on drugs iti napalabas nga administrasion.
-- ADVERTISEMENT --
