Pinasingkedan ti Department of Health nga ad-adu nga agtutubo iti agdev-develop iti hypertension, maysa a kondisyon a sagsagabaen dagiti older adults.
Segun ken ni Health Secretary Teodoro Herbosa, ti trend ket gapu kadagiti saan a nasalun-at nga eating habits kangrunaan iti panangnayon iti panagkaan iti ultra-processed foods a nangato iti sodium, sugar ken unhealthy fats – taraon a masansan a maiserserbi bayat iti holiday season.
Kinuna ni Herbosa a dagiti Ultra-processed foods ket nangato iti asinna, isu a nu pagga-ayat iti naapgad a taraon ket ngumato met iti blood pressure.
Imbingay ni Dr. Eileen Blanco iti National Nutrition Council iti isu met la a kapanunotan.
Segun ken ni Blanco, ti hypertension ket parikot ita iti kaadduan nga agtutubo ta immadu iti kaso a maipapan kadagiti emergency rooms gapu iti high blood pressure, heart attack ken strokes, kangrunaan ita a holiday ket masansan a natataba, naapgad ken nasam-it dagiti taraon a maidasdasar.
