In-activate ti Department of Health (DOH) iti National Public Health Emergency Operations Center (PHEOC) tapno masigurado ti single line of coordination bayat ti health-related emergencies.
Segun ti DOH, ti PHEOC ket mayataday iti Incident Command System and Emergency Operations Centers iti National Disaster Risk Reduction and Management Council (NDRRMC).
Ti DOH Central Office iti agserbi a kangrunaan nga Emergency Operations Center a mangsigurado a maymaysa ti linya iti koordinasyon iti oras ti health-related emergencies kasaruno iti mandato ti NDRRMC.
Ti addang ket gagem a mapapigsa ti response mechanism iti gobierno iti didigra manipod national level agingga agduduma a local government units (LGUs).
Buklen iti lima a section, idauluan ti DOH National PHEOC ni Health Secretary Ted Herbosa kas responsible officer ken Assistant Secretary Gloria Balboa kas incident manager iti overall operations.
