--Ads--
Pinasingkedan ti Department of Health a nakairekordda iti 1,091 a road crash accident ita a Semana Santa.
Segun ken ni DOH Spokesperson Albert Domingo, nairekord ti bilang manipud Domingo Ramos, Marso 29 agingga Huebes Santo, Abril 2.
Nangatngato daytoy iti 150 percent no ikumpara iti 436 nga aksidente a nairekord iti isu met laeng a panawen idi 2025.
Kaaduan a nairekord iti Central Luzon nga adda 196, sinaruno ti Davao Region a 161 ken Ilocos Region a 159.
-- ADVERTISEMENT --
Kaaduan kadagiti biktima ket dagiti lalaki nga agtawen iti duapulo agingga duapulo ket uppat.
Dakkel pay ti bilang dagiti biktima a saan nga agar-aramat iti ania man a safety gear, dagiti nagmotorsiklo, nabartek ken dagiti pedestrian.
