--Ads--
Nakitinnulong ti Department of Health iti US Department of State tapno papigsaen ti panangtakuat ken panangagas iti tuberculosis iti pagilian.
Segun iti DOH, nangted ti State Department iti makanay nga agas para kadagiti 230,000 a pasiente, agraman dagiti 12 nga ultraportable X-ray machines.
Idi Marso, pinasingkedan ti DOH nga adda 101,807 a kaso ti TB idiay Metro Manila agingga Pebrero 16.
Agtultuloy nga italtal-o ti DOH ti nasapa a diagnosis, panagagas, ken panangliklik kas paset iti kampania kontra tuberculosis.
-- ADVERTISEMENT --
Ti tuberculosis ti agtaltalinaed a kangrunaan a makaakar a sakit iti lubong a nangitunda iti agingga 1.23 milion a pannakatay idi 2024, segun iti World Health Organization.
